Lydnivå, grenseverdiar, støy og nabovarsel

Rettleiaren Musikkanlegg og helse, IS-0327, frå Helsedirektoratet legg grunnlag for handtering av støy under arrangement i Voss herad.

Alle utandørs arrangement skal som hovudregel slutta seinast kl. 23.00, men Voss herad opnar for at ein kan ha inntil 10 arrangementsdagar kvart år med støy utandørs eller i telt etter kl. 23.00 i Voss sentrum. Arrangørar må søkja Voss herad om unntak seinast 6 veker før tilskipinga.

For arrangement etter kl. 23.00, nærmare enn 400 m frå bustader/fritidsbustader, kan det koma krav om ei akustikkfagleg vurdering i forkant. Det må påreknast tilpassingar i oppsett av høgtalarar, lydnivå osv. Naboar skal varslast seinast to veker før arrangementet startar.

Annonse i lokalavisa, plakatar og informasjon på heimesider/sosiale media kan erstatta personleg varsling. For å ta omsyn til alle innbyggjarane i heradet er det viktig at arrangørar har ein god plan for handtering av støy.

Planen skal innehalda fylgjande:

• overordna skildring av arrangementet
• tidspunkt for alle aktivitetar som gjev mykje lyd
• førehandsvurdering av lydnivå og skildring av dei sterkaste lydkjeldene
• kontaktinformasjon om kven som er ansvarleg for lydnivå før og under arrangementet
• overvaking og eventuelt logging av lydnivå under arrangementet i publikumsområdet om det er fare for å overskrida varslingsgrensene i IS-0327
• plan for informasjon til naboar og til aktuelle offentlege styresmakter